قصه منقوله من منتدى عن أخت مرأه

خواتي أنا أتمنى تفاعلكم معاي بهالمشكلة وراح أحكيها لكم بدون مقدمات : القصة هي أن أختي متزوجة من واحد يسكر 24ساعة بدون مبالغة يقعد الصبح الناس أتريق وهذا يضرب له قرشة ويسكي خالي بدون ماي.. وكل يوم فيه مشكلة لأنه من يشرب يبدأ عاد يتذمر من عياله (عندهم ولدين 5سنين و3سنين) ويضربهم ومرات يحرقهم بسجاير والله صج يكسرون الخاطر ... ويبدأ بعد يشك في زوجته ألي هي أختي ويقول لها أنتي تخونيني مع أخواني ( لأن أختي ساكنه في بيت أهله) وكله يقول لها هالعيال مب عيالي هالعيال عيال اخواني ويطردها من البيت ومرات يطردها متأخر في الليل كلش ( يطردها الشارع) حتى لو كان في عز البرد بعد كان يطردها مع عيالها ... طبعن لين يطردها أروح أجيبها لأني ساكنة بنفس المنطقة... بس المصيبة الكبرى أن أهله ( أمه وأخته ) ولا حد منهم يتدخل كلش أو يوقفه عند حده أو يضف أختي عنده لين يطردها عالأقل عشان تاليهال ألي هم عيالهم؟؟؟!!! لا راح تستغربون أكثر أذا عرفتوا أن الأم تقول أنا ما يخصني .. أنا أبيهم يتطلقون ... ؟؟!!!! والأخت تحرضه لين تشوفه سكران على أنه يطرد أختي...؟؟!! وأخوانه محد منهم يتدخل لأن عندهم أوامر من أمهم أنهم ما يتدخلون كلش وهم منفذين كلام أمهم؟؟!!! ونسيت أقول لكم أن ورقة الأرض حقت زوج أختي مع حماها ورافض يعطيهمياها .. لأنه قال ماراح أخليها ( قصده أختي) تطلع بيت بروحها .. لأنهم بالنهاية يبون يطفرونها عشان تطلب الطلاق
وش الحل برأيكم أبي رأي حازم ... وأرجوا أنكم تساعدوني ... بس لا تقولون طلاق لأن بيت أختي ما تبي تعيش مع أخواني وحريمهم ... وتقول أنا أبي حل قبل الطلاق وأذا يأست من الحلول أكيد راح أتطلق
للأمانه منقول